SIMBA YAMCHINJA CHUI ZANZIBAR

Timu ya Simba Sc ya jijini Dar es salaam, usiku wa Leo imefanikiwa kuwashikisha adabu timu ya AFC LEOPALDS katika mechi ya ufunguzi ya michuano ya Mapinduzi.

Ikiongozwa na kocha msaidizi ambaye anakaimu nafasi ya Zdravko Lugarusic , kikosi hicho cha THE REDS ya Tanzania, kimeibuka na ushindi muhimu wa goli 1-0 , ushindi ambao umewafanya kujinyakulia alama tatu muhimu.

Shukrani za pekee kwa usiku zimuwendee kiungo maridhawa asiyechuja Amry Kiemba, baada ya kufunga goli safi kabisa dakika ya 77 katika uwanja wa Amaan Zanzibar.

Simba Leo iliwaanzisha wauaji walioifanyia umafia Yanga kwa kuwapa kipigo cha Aibu wote kwa pamoja ambao ni Ivo Mapunda, Issa Rashid , Haruna Shamte, Donald Musoti, Joseph Owino,Jonas Mkude, Ramadhan Singano, Awadh Machete, Amissi Tambwe, Ramadhan Chombo , Na Haruna Chanongo.