MKUDE KUREJEA KUNDINI MAPEMA ZAIDI

Mchezaji aliyeonesha kiwango cha juu na kuweza kushinda tuzo ya mchezaji bora wa SPS msimu wa 2013/2014 Jonathan Gerald Mkude anatarajiwa kurejea mapema kabisa kabla ya wakati baada ya maendeleo mazuri na ya haraka kwenye majeraha yake.

Mchezaji huyo ambaye jana alitambulishwa lakini akashindwa kuvaa uzi wa Simba SC kutokana na majeraha, anatarajiwa kuanza mazoezi mwishoni mwa mwezi huu.

Hii inaweza kuwa faraja kwa kocha mkuu wa timu ya Simba SC kuweza kumtumia kiungo huyo mkabaji katika michuano ambayo Simba SC itashiriki mwaka huu.

Wakati huo huo kiwango safi kilichooneshwa na Pierre Kwizela hapo jana huenda kikamfanya asicheze zaidi ndani ya Simba SC baada ya wakala mmoja wa timu moja ya Afrika kusini(jina linahifadhiwa), kumfatilia kwa ukaribu.