AVEVA AKABIDHIWA CHETI CHA HESHIMA KUTOKA SIMBA PLATINUM SUPPORTERS

Rais wa Simba SC mheshimiwa Evance Aveva , leo amepokea cheti cha heshima kutoka kwa Simba Platinum Supporters(SPS TEAM) kwa lengo la kumpongeza kwa ushindi wa kishindo aliopata June 29 mwaka huu.

Akipokea kutoka kwa Mwenyekiti wa Simba Platinum Supporters Mrs Amina Hussein Poyo, Evance Aveva  amewashukuru SPS team kwa heshima hiyo ya kipekee aliyopewa na amewaomba waendelee na moyo huohuo kwa ajili  ya maendeleo ya Simba SC. "Ahsante sana, nimefurahi sana, nimefarijika sana na hii inaonesha kuwa nyinyi ni Simba wa ukweli, tuzo hii imekuwa ya kwanza kwangu na inawezekana ikawa ya mwisho, kwani hata kama itatolewa nyingine basi haitakuwa kama hii na hata ikiwa kama hii watakuwa wameiga kutoka kwenu, nawashukuru sana na nawaomba muendelee hivyohivyo" aliongeza Aveva.

Hiyo inakuwa tuzo ya kwanza kabisa katika soka la Tanzania kutolewa na baadhi ya wanachama wa Simba SC kwenda kwa Rais wa Simba SC .

Katika hatua nyingine, Uongozi wa Sps umewataka wanachama wake kufika katika mkutano wa pili kikanuni utakaofanyika tarehe 2/8/2014 katika ukumbi wa shule ya sekondari Jamhuri jijini Dar es salaam.