SPS YATOA PONGEZI KWA GEOFREY KABURU

Katika hali inayoashiria kuwa wanachama wa Simba SC wanaanza kuamka na kuanza kutambua thamani ya kazi za uongozi wao, kundi la Simba Platinum Supporters maarufu kama SPS jana limetoa hati ya pongezi kwa makamo wa rais wa kwanza wa Simba SC Geofrey kaburu kwa kchaguliwa kwake kuwa makamo wa rais.


Akiongea baada ya kukabidhi Hati hiyo, mwenyekiti wa kundi hilo Mrs Amina Husein Poyo, amesema kuwa lengo la umoja wao ni kuhakikisha Simba SC inapata stahili zote toka kwa wanachama wake , kukosoa,kupongeza na kutoa ushauri kipi cha kufanya pale panapohitajika kufanya hivyo.

Naye makamo wa rais, amewashukuru Sps kwa umoja wao kwa kumfanya yeye kuwa wa kwanza ndani ya historia ya Simba Sc kupokea tuzo ya aina hiyo na ameahidi kushirikiana nao na wanachama wote wa Simba SC ili kuhakikisha Simba inafikia malengo yake.