SIMBA B YAAPA KUCHUKUA KOMBE ROLLING STONE

Kikosi cha timu ya pili ya vijana ya Simba SC Simba B(The Killers)  , wametangaza vita ya kwamba lazima kombe la michuano ya Rolling Stone litue msimbazi.

Akiongea kwa kujiamini meneja wa kikosi hicho ambaye pia ni mjumbe wa heshima wa Simba Sc ndani ya vijana hao amesema timu yake iko vizuri zaidi na lazima wataushangaza umma kwa kuuchukua ubingwa huo.

Simba hao vijana,leo katika uwanja wa karume waliweza kuwakamua vilivyo vijana wenzao wa Mtibwa Sugar baada ya kuwachoma kwa jumla ya goli 1-0.


Kikosi hiko kinasifika kwa kutoa baadhi ya mastaa wanaotamba katika timu kubwa ambao wanatikisa mpaka hivi sasa.

Baadhi ya mastaa hao ni Haruna Chanongo, Jonas Mkude, Ramadhan Singano , Willium Lucian na Abdallah Seseme maarufu kama Hugo.