LOGA AFURAHIA UJIO WA ELIUS MAGULI SIMBA

Kocha mkuu wa timu ya Simba SC, Zdravko Logarusic, amesema kuwa ujio wa Elius Maguli utakuwa chachu ya kikosi chake kutwaa ubingwa msimu huu.

Akiongea na SPS baada ya kumalizika kwa mazoezi leo jioni, Logarusic amesema kuwa Maguli ni mshambuliaji aliyekamilika ingawa anahitaji kurekebishwa vitu vidogo tu ambavyo vinaekebishika." Ni vizuri, Maguli nilimuhitaji kwa ajili ya kikosi changu msimu huu, atakuwa chachu wa kutwaa ubingwa msimu huu" aliongeza Logarusic.

Elius Maguli anasaini mkataba wa miaka miwili kuchezea Simba SC hapo kesho baada ya kuonesha kiwango maridhawa msimu uliopita.

Wakati huo huo, msemaji wa timu ya Ruvu Shooting Masau Bwire, amekiri kuwa timu yake imemalizana na Simba SC hivyo ni ruhusa mchezaji huyo kujiunga na vijana hao wa msimbazi." Ni kweli, imefata taratibu zote na hatuna kinyongo, kilichobaki ni mchezaji mwenyewe kumalizana na klabu anayokwenda kuitumikia" alimalizia kusema msemaji huyo.