MABILIONI YA SHILINGI KUGHARAMIA UBINGWA WA SIMBA WA LIGI KUU TANZANIA BARA NA KOMBE LA MAPINDUZI

Klabu ya soka ya Simba SC ya jijini Dar es salaam, imepanga bajeti ya zaidi ya shilingi bilioni 3 za kitanzania kwa ajili ya msimu wa 2014/2015.
Akisoma hotuba ya kuwasilisha bajeti hiyo ,mjumbe wa kamati ya utendaji Ally Suru amesema kuwa kiasi hicho cha pesa kitatumika kwa ajili ya kuhakikisha klabu inachukua ubingwa wa Tanzania bara na kombe la mapinduzi. "Tumejipanga kuwa mabingwa wa nchi,tumejipanga kuwa mabingwa wa kombe la mapinduzi,bajeti hii imeandaliwa kwa ajili ya kuirudisha Simba kwenye hadhi yake, tunawaomba mtupitishie" aliongeza mjumbe huyo.

Simba Sc imefanya mkutano wake wa kwanza tangu aingie madarakani Rais mpya wa klabu hiyo Evance Aveva akiwa na wajumbe wapya, katika mkutano ambao ulimfuta uanachama Michael Richard Wambura na wanachama wengine 71.