WAMBURA OUT SIMBA SC

Aliyekuwa mgombea wa urais wa Simba SC kabla ya kuenguliwa ,Michael Richard Wambura amevuliwa uanachama wake wa Simba leo hii.

Katika mkutano mkuu uliofanyika leo katika ukumbi wa Police Mess ambao ulihudhuriwa na zaidi ya wanachama 800, uliamua kumvua uanachama kwa kosa la kuipeleka Klabu ya Simba katika mahakam za kawaida.

Wambura ameungana na wanachama wengine zaidi ya 70 ambao kwa pamoja nao wameondolewa.

Wakati huo huo, klabu ya Simba ya jijini Dar es salaam inatarajia kujenga Hostel za kisasa katika uwanja wake wa Bunju. Akisoma hotuba ya fedha ya bajeti ya msimu wa 2014/2015, mjumbe wa kamati ya utendaji Ally Suu, ameuhakikishia umma wa wanachama wa Simba kuwa kazi ya kujenga hostel hizo itaanza miezi kadhaa ijayo.